الرئيس السيسي: حريصون على ضبط الأسواق والأزمة الحالية لها حلول
قال الرئيس عبد الفتاح السيسي رئيس الجمهورية، إن الحكومة يجب أن تضبط الأسواق، متابعا: “حد يقولي الحكومة والدولة تضبط الموقف في الأسواق.. صحيح وطبعا.. لكم حق وده كلام بقولوا لنفسي قبل الحكومة والداخلية.. اللى بنتكلم عليهم مواطنين مصريين.. لما أكون مواطن بكسب كويس أوى وعندى تجارة كبيرة أتصور إن المكسب المناسب يبقي كفاية مش هقوله ضحى.. ده كلام مش بالخواطر بتمشى الدول.. الدول بتمشى بالسياسات والقوانين والعمل.
حل مشكلة الدولار من خلال زيادة موارده
وتحدث الرئيس السيسي، عن احتياجات الدولة الدولارية، قائلا: “النهادرة محطات الكهرباء بتاخد غاز يسوى تقريبا مليار دولار شهريا.. 3 مليارات دولار مش أقدر مش أوفرهم لأنها حاجات أساسية.. أنا مش داخل فى نقاش.. بحاول أشرح لكم حجم التحدى اللى عايشنه حتى من قبل 2011.. الأرقام دى إذا مكنتش الدولة المصرية يعملوا على زيادة موارد الدولار وتكون أكثر أو تساوى انفاقنا.. إللى بيجلنا من بيع منتجات أو التصدير أو قناة السويس أو السياحة.. لو مش حققنا المعادلة دى هتكون المشكلة دى.. هى دى الحكاية كلها”.
أسجل احترامي وتقديري للمصريين والأزمة الحالية لها حلول
وأكد الرئيس، أن الأزمة الحالية لها حلول، متابعا: “الأزمة اللى احنا فيها دي لها حلول.. بس صدقوني حلولها تعتمد علينا.. احنا كنا بنستورد بـ 4.5 مليار دولار سيارات، انت بتروح للبنوك والبنك المركزي عاوز افتح علشان اجيب ده وده.. الدولة المصرية حاليا 106 ملايين بالمناسبة ومطلوب توفرها كل شىء.. أولا أسجل احترامي للمصريين انا بحلف بالله.. بحلف بالله.. تقديري لهم.. وبقول للمواطن الغلبان والبسيط بسجل احترامي وتقديري للجميع”.
